გიტა გვაზავა & იმედა რევია

პირველ რიგში, უდიდეს და ძვირფას მადლობას გიხდით თქვენი გვერდში დგომისთვის. დავიწყებ იქიდან, რომ ქალისთვის, როცა იწყებს ახალ ცხოვრებას თავის მეუღლესთან სრული ბედნიერებისთვის, შვილი აუცილებელია. ალბათ ყველას გვიცდია ის, თუ როგორ ველოდებით ყოველ თვეს, როცა ვიგებთ, რომ დედა ვხდებით. მე ეს ერთხელ გამოვცადე – სულ რაღაც 6 კვირა, როცა ეს ოცნება რეალობად უნდა მექცია და დედობა შემეგრძნო. მაშინ დამტოვა ჩემმა პაწიამ რაღაც მიზეზების გამო, ისე, რომ ვერც კი გავიაზრე, ეს რა ჩემს თავს ხდებოდა. მის შემდეგ იყო პატარა ორსულობები, მაგრამ არც მათგან არაფერი გამოვიდა. იყო ბევრი ცრემლი, ბევრი იმედგაცრუება და ახლა, როცა ამ გზას დავადექი და რამოდენიმე ნაბიჯი გავიარე თქვენი, უფლისა და ფონდის წყალობით, აღარ მინდა გავჩერდე და ვიბრძოლო, რომ გავხდე დედა. ამისთვის მაქსიმუმს გავაკეთებ. ისევ თქვენი და უფლის იმედი მაქვს, რომ არ მიმატოვებთ და ერთად გავიმარჯვებთ. გთხოვთ, ბისაც შვილის სიყვარული გამოუცდია და ახლა ელოდება, ან იგივე გზას გავდივართ, რაზეც მე. დაგვეხმარეთ, რომ ჩვენც გავხდეთ შვილის სიყვარულის ღირსი და სიტყვა "დედა" შევიგრძნოთ. გთხოვთ და გემუდარებით, როგორც არასდროს, დარიცხვისას დანიშნულებაში აუცილებლად მიუთითოთ ჩემი სახელი და გვარი. წინასწარ დიდ მადლობას გიხდით.