ჩემო კეთილო ადამიანებო, ახლობლებო, ემიგრანტებო, ნაცნობებო და უცნობებო, ისევ გავიმეორებ და მინდა გითხრათ, რომ ხელი, რომელიც გასცემს სიკეთეს, არასოდეს იცლება. მახსოვს თითოეული თქვენგანის ჩარიცხული თეთრი, ყველა ის ლოცვა და სიტყვა, რასაც ჩვენთვის იმეტებდით. არასოდეს დაგეკარგებათ ეს სიკეთე, ვისთანაც მიმიწვდება ხელი, სიკეთით გადაგიხდით.
დღეს ჩემზე მეტად ჩქარობენ ჩემი კეთილისმსურველი ადამიანები და მეკითხებიან, როდის ვაგრძელებ მკურნალობას. სულ მალე ისევ გავუდგებით გზას და ამ გზაზე უნდა გავიმარჯვოთ, გავიხაროთ და გაგახაროთ ყველა.
უღრმესი მადლობა "ჩემი ფონდი"-ს და მის დამფუძნებელს სანდრა ზოიძეს, ნინო გაბესკელიანს, რომლებიც თავდაუზოგავად იბრძოდნენ და იბრძვიან დღესაც, რომ მე გავხდე დედა. დაე, ასეც მოხდეს. ვარ პირველი წევრი ამ ფონდის და მინდა ვიყო მაგალითი ყველასთვის. მიყვარხართ და უფალი გვფარავდეს ყველას!