მილენა საროიანი & ერიკ საროიანი

უდიდესი მადლობა მინდა გადავუხადო ჩვენს საოცარ ფონდს, მის დამფუძნებელს – სანდრა ზოიძეს და ნინო გაბესკელიანს დახმარებისთვის, ასევე ვინც ხელი შემიწყო ამ პატარა იმედის გაღვიძებაში. 
ბავშვობიდან მჯეროდა სასწაულების, მაგრამ არასდროს მქონია შესაძლებლობა, საკუთარი თავით მენახა. თუმცა, მოხდა სასწაული!  მე აქ ვარ და ეტაპობრივად წინ მივიწევ. 
უკვე 16 წელია, სიყვარულით შექმნილი ოჯახი მაქვს.  უფლის მადლობელი ვარ, რომ მიუხედავად იმისა, რომ ვერ შევძელით ოჯახის სრულყოფილად გაერთიანება, მაინც ერთად და კარგად ვართ. 
თავიდან ვერასდროს წარმოვიდგენდი, რომ ასეთ სირთულეებში აღმოვჩნდებოდი.  წლების განმავლობაში უშედეგოდ ვცდილობდი მკურნალობას, გადავიტანე ოპერაციები, რომელთა შედეგადაც ორივე ფალოპის მილი დამიზიანდა და ხელოვნური განაყოფიერების იმედიღა დამრჩა.  მეგონა, ეს იქნებოდა გამოსავალი, მაგრამ სამწუხაროდ, ამ გზასაც უამრავი იმედგაცრუება მოჰყვა—3-4 უშედეგო ცდა, უსასრულო მედიკამენტები, უზარმაზარი ფინანსური დანაკარგი, ფსიქოლოგიური სტრესი  და გატეხილი გული. 
ამ ყველაფერთან ერთად, ჩვენი ოჯახი ფინანსური სირთულეების წინაშე აღმოჩნდა.  ყველა რესურსი ამოგვეწურა, დარჩა მხოლოდ ვალები და ერთადერთი სახლი, რომელიც ბანკში გვაქვს ჩადებული. 
მიუხედავად ყველაფრისა, ბრძოლას არ ვწყვეტ!  იმედს ბოლომდე არ ვკარგავ, რადგან აქამდე თქვენი დახმარებით მოვედი.  ჩემი უდიდესი ოცნებაა, გავამთელო ჩემი ოჯახი და ერთხელაც მეც გავხდე დედა. 
ნებისმიერი დახმარება ჩემთვის უზომოდ მნიშვნელოვანია, თუნდაც ყველაზე მცირედი თანხაც კი. სიკეთე გადამდებია! 
თუ ვინმეს გექნებათ დახმარების სურვილი, გთხოვთ, დანიშნულებაში აუცილებლად მიუთითოთ ჩემი სახელი და გვარი – მილენა საროიანი  წინააღმდეგ შემთხვევაში, თანხა ჩემამდე ვერ მოაღწევს.