ნესტანი კუპატაძე და ტარიელ ბრეგვაძე

სიტყვებით რთულია გადმოვცე ის მადლიერება და სითბო, რასაც თქვენი მხარდაჭერის გამო ვგრძნობ. თქვენი გაწეული დახმარება ჩემთვის მხოლოდ დაფინანსება არ ყოფილა ეს იყო დიდი სტიმული, იმედი და რწმენა, რომელმაც ძალა მოგვცა, კიდევ ერთხელ გაგვეგრძელებინა ეს ძალიან რთული გზა.  გულწრფელ მადლობას ვუხდი „ჩვენი ფონდი“-ს და მის დიდ ოჯახს ასეთი გულით გვერდით დგომისთვის. განსაკუთრებული მადლობა ჩემთვის ძვირფას, ოქროსგულიან სანდრა ზოიძეს, რომელმაც პირველივე შეხვედრისას ოჯახის წევრივით მიგვიღო. მისმა ადამიანობამ და თანადგომამ კიდევ უფრო გამიძლიერა იმედი. არასოდეს დამავიწყდება შენი სიტყვები: „ვერ გახარებ, ჩემო გოგო, მაგრამ აუცილებლად ვიბრძოლებთ მიზნამდე“, „მაგ ცრემლიან თვალებში შემოგევლეთ“…
და კიდევ რამდენი სათქმელია, რომელიც გულში სამუდამოდ დამრჩება. მადლობა თქვენ  ადამიანებო, ნაცნობებო და უცნობებო  ყურადღებისთვის, სითბოსთვის და თანადგომისთვის.
ახალ წელს გილოცავთ! გისურვებთ ჯანმრთელობის, სიკეთისა და ბედნიერების სავსე წელს და წლებს 💚